ڈھاکہ(پاکستان نیوز پوائنٹ 27مارچ2017ء) بنگلہ دیش انا قطب دے ٹکی شار سلہٹ اٹی مشتبہ شدت پسند آتا برخلاف اسہ بھلو آپریشن اسے ٹی اِرا بمب دھماکہ ٹی اِرا پولیس کارندہ و 4 شاری تپاخت کریر۔ کمامدارآتارداٹ دھماکہ ہمو ہنکینی ماڑی نا خڑک مس ہراڑے کمانڈو مشتبہ شدت پسند آتا اسہ رڑاسے نا برخلاف کارروائی ٹی اختہ ئسر۔ کیہی دے اسکان برجاسلوک آ دا آپریشن آن مست فلیٹس آتے خورک کرفنگاسس انتئے کہ مشتبہ شدت پسند آک سلہہ بٹنگ آن نہ من مسوسر ۔
سیکورٹی فورس آتا کارروائی ٹی کیہی بندغ آک ٹھپی ہم مسر۔ دھماکہ غاتا جاگہ نا خڑک شاری تا اسہ بھلو کچ اس ساڑی ئس ہرا ہموڑے شدت پسند و سیکورٹی کارندہ غاتا نیام اٹ اسہ ایلو آ سم کاری نا سوب مچ مسوسر۔ شدت پسند تنظٰم دولت اسلامیہ دادھماکہ غاتا زمواری ءِ امنا کرینو۔
