انجری ویل آک ، مارٹن گپٹل پروٹیز نا برخلاف اسٹ انگاٹی ٹونٹی و بنائی اِرا میچ آتیان پیشن

انجری ویل آک ، مارٹن گپٹل پروٹیز نا برخلاف اسٹ انگاٹی ٹونٹی و بنائی اِرا میچ آتیان پیشن

ویلنگٹن(پاکستان نیوز پوائنٹ 16فروری2016ء) نیوزی لینڈ ٹیم نا جارح مزاج اوپننگ بلے باز مارٹن گپٹل فٹنس ویل آتا سوب سویلی افریقہ نا برخلاف اسٹ انگا ٹی ٹونٹی و ون ڈے سیریز نا بنائی اِرا میچ آتیان پیشن مس۔ اونا جاگہ غا آکلینڈ وکٹ کیپر بلے باز گلین فلپس و ڈین براؤن لی کو سکواڈ اٹی اوار کننگانے۔ فلپس ٹی ٹونٹی و براؤن لی ون ڈے میچ آتیٹی گپٹل نا متبادل نا وڑاٹ ایکشن اٹی نظر بریرہ۔

گپٹل ٹریننگ سیشن اٹی ہیمسٹرنگ انجری نا گواچی مسوسس۔ نیوزی لینڈ کرکٹ نا کنڈآن جاری کروک بیان نا رداٹ گپٹل نا سکین کننگانے ہراٹی ہمیسٹرنگ سٹرین نا تشخیص مسنے ہرانا سوب ڈاکٹر آک اودے پین آرام نا مشورہ تسنو و ہندا سوب او پروٹیز نا برخلاف اسٹ انگا ٹی ٹونٹی و ون ڈے سیریز نا بنائی اِرا میچ آتے گوازی کپک ۔