ایوان بالا فنکشنل کمیٹی انسانی حق انا پورٹ نا منظوری ءِ تس

اسلام آباد(پاکستان پوائنٹ نیو ز 29۔جولائی۔2016ء) ایوان بالا ملک اٹی نیاڑی تے زندہ ہُشنگ نا واقعہ و دالعنت نا چٹفنگ کن تعزیرات پاکستان نا باب ”نیاڑی تا برخلاف ڈوہ“ اٹی احکامات وضع کننگ نا وڑوڈول تجویز کننگ نا بابت فنکشنل کمیٹی انسانی حق انا رپورٹ نا منظوری ءِ تس۔ جمعہ آ ایوان بالا نا دیوان نا وخت آ فنکشنل کمیٹی انسانی حق انا چیئرپرسن سینیٹر نسرین جلیل نا کنڈآن سینیٹر جہانزیب جمالدینی دامعاملہ غا کمیٹی نا رپورٹ ءِ ایوان اٹی پیش کرے۔ اوکان گڈ اودارپورٹ ءِ زیر غور ہتنگ و منظور کننگ نا تحریک پیش کرے ہرانا ایوان منظوری ءِ تس۔