سندھ انا پوسکنا وزیراعلیٰ بااختیار مس تو جوان ءُ اومیت تخنگ مریک پاکستان مسلم لیگ (ن) نا کسرشون سینیٹر نہال ہاشمی نا میڈیا تون ہیت وگپ

اسلام آباد(پاکستان پوائنٹ نیو ز 29۔جولائی۔2016ء) پاکستان مسلم لیگ(ن) نا کسرشون سینیٹر نہال ہاشمی پارینے کہ سندھ انا پوسکنا وزیراعلیٰ اگہ بااختیار مس تو گچین ءُ اومیت تخنگ مریک ورنہ قائم علی شاہ ءِ یات کینہ۔ جمعہ آ پارلیمنٹ ہاؤس نا پیشن میڈیا تون ہیت وگپ کرسا اوپارے کہ انڈونیشیاٹی سزائے موت نا سزاکنوک پاکستانی نا سزاغا عملدرآمد ءِ توننگانے، دابابت میڈیا گچین کڑد ادا کرے،ذوالفقار پرانا اولیکو پڑی ءِ وخت اس کہ بھارتی جیل تیٹی بندی پاکستانی تا رہائی کن وزارت خارجہ تینا کڑد ءِ ادا کیک۔ اسہ سوج اسینا ورندی ٹی او پارے کہ سینیٹ نا باسک آتے قومی اسمبلی نا پبلک اکاؤنٹس کمیٹی ٹی اوڑدہ کننگ آن کمیٹی پین سوگو مریک و اوٹی ایوان بالا نا باسک آک ہم تینا کڑد ءِ ادا کیرہ۔