اسلام آباد (پاکستان پوائنٹ نیو ز 29۔جولائی۔2016ء) وزیراعظم نا سلاہکار خارجہ امور سرتاج عزیز پارینے کہ یکم جولائی 2011ء آن 30جون 2016ء اسکان 450پاکستانی ماہی گیر آتے بھارت دزگیر کرے، 395ءِ یلہ کرفنگانے، انڈونیشیانا پاکستانی سفارتخانہ ٹی 12بندغ نا عملہ ساڑی ءِ ، جمعہ آ ایوان بالا نا دیوان اٹی وقفہ سوج آتا وخت آ سینیٹر کرنل(ر) سید طاہر حسین مشہدی نا سوج انا ورندی ٹی سلاہکار خارجہ امور سرتاج عزیز پارے کہ یکم جولائی 2011ء آن 30جون 2016ء اسکان بھارتی کمامدارآتا کنڈآن 540پاکستانی ماہی گیر آتے دزگیر کننگا، ہراتم دزگیری اس ننا علم اٹی ہتنگک تو نن بھارتی کمامدار آتیان کانودی رسائی فراوان کننگ نا درخواست کینہ۔
دزگیر کروک آ داماہی گیر آتیان 395ماہی گیر آتے یلہ کننگانے، 55آن اسٹ اس فوت مس و ہشت آ منشیات نا دوبہ ءِ۔ ایلوفتا یلہ کننگ کن عمل جاری ءِ۔ سینیٹر چوہدری تنویر خان نا سوج انا ورندی ٹی سلاہکار خارجہ پارے کہ پاکستان نا انڈونیشیاٹی اسہ سفارتی مشن یعنی پاکستانی سفارتخانہ ءِ۔ جکارتہ ٹی ہچ ءُ قونصلیٹ /سب مشن اس اف، سفارت خانہ ٹی گریڈ 21نا اسہ افسرسفیر اسے۔ اوپارے کہ گریڈ 19 نا اسہ قونصلر، گریڈ 18نا اسہ فرسٹ سیکرٹری اسے وخت اس کہ کل 12بندغ آتا عملہ ساڑی ءِ ۔ چوہدری تنویر خان نا اسہ سوج اسینا ورندی ٹی پاننگاکہ انڈونیشیا ٹی 600 پاکستانی رہینگوک ءُ۔
