وزیراعلیٰ بلوچستان نواب ثناء اللہ خان زہری نا کانود نافذ کروک آ ادارہ غاتا کنڈآن گوادر اٹی دہشت گردو راج دژمن عنصر آتا برخلاف کروک آ سرسہب آپریشن اٹی دوبہ دار آتا دزگیری و اوفتے آن سلہہ و پین گڑا دوئی کننگ آ است جمی و خوشی نا درشانی ءِ کرسا سیکورٹی فورسز آتے مبارکباد

وزیراعلیٰ بلوچستان نواب ثناء اللہ خان زہری نا کانود نافذ کروک آ ادارہ غاتا کنڈآن گوادر اٹی دہشت گردو راج دژمن عنصر آتا برخلاف کروک آ سرسہب آپریشن اٹی دوبہ دار آتا دزگیری و اوفتے آن سلہہ و پین گڑا دوئی کننگ آ است جمی و خوشی نا درشانی ءِ کرسا سیکورٹی فورسز آتے مبارکباد

کوئٹہ (پاکستان پوائنٹ نیو ز 29۔جولائی۔2016ء) وزیراعلیٰ بلوچستان نواب ثناء اللہ خان زہری کانود نافذ کروک آ ادارہ غاتا کنڈآن گوادر اٹی دہشت گرد و راج دژمن عنصر آتا برخلاف کروک آ سرسہب آپریشن اٹی دوبہ دارآتا دزگیری و اوفتے آن سلہہ و پین گڑا دوئی کننگ آ است جمی و خوشی نا درشانی ءِ کرسا سیکورٹی فورسز آتے مبارکباد پیش کرینے۔ تینا اسہ بیان اسے ٹی وزیراعلیٰ پارے کہ بلوچستان ءِ پرامن صوبہ اس جوڑ کننگ کن سیکورٹی ادارہ غاتا کارکڑد ستاء کڑزک ہرا تینا جان تا پرواہ ءِ کننگ آن بیدس دے و نن دہشت گرد و راج دژمن عنصر آتا برخلاف پبی کارروائی کننگ ءُ اوپارے کہ الس تینا فورسز آتا قربانی تے قدر انا نظراٹ ہرک ہرافتا بدولت اینو صوبہ ٹی امن و ایمنی اڈہلکونے وزیراعلیٰ پارے کہ اونا حکومت الس نا جان و مال انا رکھ و امن نا بحالی کن پوروی وڑاٹ پرعزم ءُ ۔

دہشتگر دآک چائے اخس کہ طاقتور مریراوفتے ہردورشم اٹی اوفتا کروک نا سزا تننگک داسا بلوچستان اٹی دہشت گردآتے کن پناہ نا ہچ ءُ جاگہ اس اف آخریکو دہشت گرد نا چٹفنگ اسکان ننا جنگ برجاسلک۔