لاہور(پاکستان نیوز پوائنٹ 02 فروری2016ء) وزیراعظم نا سلاہکار و بنجائی وزیر قومی میرات عرفان صدیقی پارینے کہ ملکی تاریخ اٹی اولیکو وار وزیراعظم محمد نواز شریف اونا چنا وخاہوت و قبرآتا ٹرائل مننگ ءِ، پاناما لیکس نا معاملہ عدالت عظمیٰ ٹی سرمسنے ہرادے سیاسی جماعت آک تینٹ درینو انصاف بننگ اسکان انتظار کننگے، انصاف کن دے و وخت انا بایدے قدغن خلنگپ۔
او پنچ شنبے نا دے داڑے ایکسپو سینٹر لاہور اٹی انٹرنیشنل بک فیئر نا دورہ نا وخت آ میڈیا تون ہیت وگپ کریکہ۔ داوخت آ فرخ سہیل گوندی تون اوار ایلو افسر آک ہم ساڑی ئسر۔ وزیراعظم نا سلاہکار عرفان صدیقی پارے کہ پاناما لیکس جماعت اسے نا ویل اس اف بلکن ملک انا ویل ءِ ہنداخاطران انصاف نا انتظار ءِ کننگے، اوپارے کہ فوجی عدالت آک گچین کاریم کریرہ دابابت غٹ سیاسی جماعت آتون رابطہ ءِ و اومیت ءِ کہ فوجی عدالت آتیا اتفاق مریک۔
