پاکستان بیت المال نا رداٹ چلینگوک آ سویٹ ہوم تا کچ 35ءِ ، فنڈ انا دوئی مننگ آ پین سویٹ ہوم اڈتننگ مریک، بنجائی وزیر شیخ آفتاب احمد نا قومی اسمبلی ٹی وقفہ سوج آتا وخت خیال آتا درشان

پاکستان بیت المال نا رداٹ چلینگوک آ سویٹ ہوم تا کچ 35ءِ ، فنڈ انا دوئی مننگ آ پین سویٹ ہوم اڈتننگ مریک، بنجائی وزیر شیخ آفتاب احمد نا قومی اسمبلی ٹی وقفہ سوج آتا وخت خیال آتا درشان

اسلام آباد(پاکستان نیوز پوائنٹ 02 فروری2016ء) بنجائی وزیر شیخ آفتاب احمد پارینے کہ پاکستان بیت المال انا رداٹ چلینگوک آ سویٹ ہوم تا کچ 35ءِ ، فنڈ انا دوئی مننگ آ پین سویٹ ہوم اڈ تننگ مریک۔ پنچ شنبے آ قومی اسمبلی ٹی وقفہ سوج آتیٹی شیخ روحیل اصغر نا سوج انا ورندی ٹی کابینہ ڈویژن نا کنڈآن بنجائی وزیر شیخ آفتاب احمد پارے کہ پاکستان بیت المال انا رداٹ السی شرحالی نا 9 ڈٹ چلیفنگ انگ ءِ، پاکستان اٹی داوخت اسکان 35سویٹ ہوم اڈتننگانو۔

ہر بنجاٹی 100 چوری چنازیر کفالت مننگ کیرہ۔ دا پروجیکٹ نا ودیکی کن بیت المال اتون فنڈ محدود ءِ، اگہ ودکی بجٹ فراوان کننگے تو مستی سویٹ ہوم اڈتننگ مریک۔ اوپارے کہ بک آتا ٹرانسپلانٹیشن کن تعلقدار ہسپتال نا سرٹیفکیٹ آ بیت المال نا کنڈآن تعلقدار ہسپتال آتے ادائیگی براہ راست کننگک۔ اوپارے کہ اسہ سویٹ ہوم اٹی اگہ 100 چنا زیرکفالت مریر تو اونا خڑچہ 17لکھ روپئی آن زیاتءِ۔