فلسطین نا صدر محمود عباس مسہ دے ئی دورہ ءِ پورو کرسا وطن آ رادہ مس، صدر مملکت ممنون حسین اودے سپارا

اسلام آباد(پاکستان نیوز پوائنٹ 01 فروری2016ء) فلسطین نا صدر محمود عباس مسہ دے ئی دورہ ءِ پورو کرسا وطن آ رادہ مس۔ نورخان ایئر بیس آ صدر مملکت ممنون حسین اودے سپارا۔ داوخت آ صدر مملکت ممنون حسین اسہ وار ولدا فلسطینی صدر محمود عباس ءِ فلسطین نا ویل انا پرامن ایسری کن پاکستان نا پورو مخ تفی نا یخین ترفے۔ فلسطینی صدر پاکستانی حکومت و صدر مملکت نا جم و جوش اٹ بخیر و جوزہ خیرسگالی نا منت واری ءِ ادا کرے۔ صدر مملکت ممنون حسین فلسطینی صدر محمود عباس ءِ اونا دورہ نا عکس آتیا تالان البم اس پیش کرے۔ صدر محمود عباس صدر مملکت ءِ فلسطینی تسبیح نا ٹیکی اس ہم پیش کرے۔