وزارت دیر و بجلی 2018ء اسکان ملک اٹی پورو مروک آ چنکا ڈیم تا سرجم آتے قومی اسمبلی ٹی پیش کرے

وزارت دیر و بجلی 2018ء اسکان ملک اٹی پورو مروک آ چنکا ڈیم تا سرجم آتے قومی اسمبلی ٹی پیش کرے

اسلام آباد(پاکستان نیوز پوائنٹ 01 فروری2016ء) وزارت دیر و بجلی 2018ء اسکان ملک اٹی پورو مروک آ چنکا ڈیم تا سرجم آتے قومی اسمبلی ٹی پیش کرے۔ چارشنبے آوقفہ سوج آتیٹی طاہرہ بخاری نا سوج انا ورندی ٹی پارلیمانی سیکرٹری دیر و بجلی چوہدری جعفر اقبال پارے کہ بلوچستان اٹی 4ارب 64کروڑ 74لکھ روپئی نا خڑچ آن 100 تاخیری ایکشن ڈیم انا جوڑ جاڑ نا کاریم 76درسد اسکان پورو مسنے، خیبر پختونخوا ٹی 3ارب 60کروڑ روپئی نا خڑچ آن 20چنکاڈیم تا جوڑ جاڑ نا کاریم پوروی نا مرحلہ غاتیٹی ءُ۔

سندھ اٹی 12ارب 21کروڑ روپئی نا خڑچ آن کم دیر کوڑی کروک آ ڈیم ، دیر ءِ توننگ نا پشتہ و ایلو فتا کاریم نا جوڑ جاڑ نا کاریم 35درسد اسکان پورو مسنے۔ خیبر پختونخوا ٹی صنم پولئی و کنڈال ڈیم انا جوڑ جاڑ نا کاریم 45درسد اسکان پورو کننگانے۔ شادی خوڑ ڈیم انا جوڑ جاڑ نا کاریم 98درسد ، طوئی وارباتوزئی سٹوریج ڈیم پروجیکٹ نا کاریم 60درسد وخت اس کہ قلات اٹی چنکا ڈیم نا جوڑ جاڑ نا کاریم 19درسد اسکان پورو مسنے۔