ضلع سوات اٹی بجلی دُزی نا 173ایف آئی آر درج کننگا، 44لکھ 90ہزار روپئی نا ریکوری کننگا، پارلیمانی سیکرٹری چوہدری جعفراقبال نا ایوان اٹی ورندی

اسلام آباد(پاکستان نیوز پوائنٹ 01 فروری2016ء) پارلیمانی سیکرٹری چوہدری جعفراقبال پارینے کہ ضلع سوات اٹی بجلی دُزی نا 173ایف آئی آر درج کننگا و 44لکھ 90 ہزار روپئی نا ریکوری کننگا۔ چارشنبے آقومی اسمبلی ٹی وقفہ سوج آتیٹی مسرت زیب انا سوج انا ورندی ٹی وزارت دیر و بجلی نا کنڈآن پارلیمانی سیکرٹری چوہدری جعفراقبال پارے کہ ضلع سوات اٹی 173چانک آتیان بجلی دُزی نا واقعہ غاک خننگار، 173ایف آئی آر درج کننگار، داڑآن 44لکھ 90ہزار روپئی بازیاب کننگار۔ ضلع سوات اٹی بجلی نا لین تا اپ گریڈیشن نا کاریم جون انا اخیر اسکان پورو کننگک۔