اسلام آباد(پاکستان نیوز پوائنٹ 30جنوری2016ء) وزارت ڈٹ بندی و شونداری سرکاری بشخ انا شونداری پروگرام تیٹی کیہی وزارت و ڈویژن آتا شونداری ڈٹ آتے کن جم وڑاٹ 3کھرب 63ارب 38کروڑ روپئی آن زیات نا فنڈ جاری کرینے۔ حکومت اینخو مالی سال انا سرکاری بشخ انا شونداری کاریم تے کن 8کھرب روپئی نا فنڈ جتا کرینے۔ پلاننگ کمیشن نا جاری کروک حساب وکتاب نا رداٹ حکومت پرائم منسٹر یوتھ و ہنر مند پروگرام کن 7ارب 94کروڑ، عارضی وڑاٹ بے اُرا مروک آ بندغ آتا بحالی کن 49ارب 24کروڑ، ایراکن 10ارب، پائیدار شونداری ہدف آتے کن 20 ارب، سیفران فاٹا کن 8ارب 69کروڑ، گلگت بلتستان بلاک کن 4ارب 74کروڑ، اے جے کے بلاک کن 12ارب 58کروڑ، واپڈا پاور سیکٹر کن 60ارب 26کروڑ، نیشنل ہائی وے اتھارٹی کن اسہ کھرب 11ارب 41کروڑ، دیر و بجلی ڈویژن کن 6ارب 89کروڑ، سپارکو کن 80کروڑ، سائنس ٹیکنالوجیکل ریسرچ ڈویژن کن اسہ ارب 12کروڑ، ریونیو ڈویژن کن 27کروڑ، ریلوے ڈویژن کن 13ارب 99 کروڑ، پلاننگ کمیشن کن 2ارب 31کروڑ، پورٹ اینڈ شپنگ کن 83کروڑ، ملک اٹی جان جوڑی نا آسراتی تے گچین جوڑ کننگ کن 9ارب 75کروڑ، داخلہ ڈویژن کن 9ارب 43کروڑ، پاکستان اٹامک انرجی کمیشن کن 12ارب 66کروڑ، ہائی ایجوکیشن کمیشن کن 8 ارب 54کروڑ، کیڈ ڈویژن کن اسہ ارب 86کروڑ، کامرس ڈویژن کن 40کروڑ، فنانس ڈویژن کن 2ارب 34کروڑ روپئی تون اوار کیہی شونداری ڈٹ آتے کن فنڈ جاری کرینے۔
پلاننگ کمیشن اسہ خاص ءُ وڑوڈول اسے نا رداٹ سرکاری بشخ انا شونداری پروگرام تے کن کیہی وزارت و ڈویژن تے فنڈ جاری کننگ ءِ۔
