امریکہ ءَ پاکستانءِ اقتصادی دیمروی ءَ شریں نگاہ ءَ سیل کن انت، میاں استمانی بنک، آئی ایم ایف ءُُ امریکی مالیاتی ادارگ گوستگیں سے سال ءِ وھد ءَ پاکستان ءِ اقتصادی کار ءُُ کرد ءَ تسلا ءُُ اے سلسلہ ءَ شریں جبزگ گشیت

اسلام آباد (پاکستان پوائنٹ نیوز۔28 جولائی۔2016) واشنگٹن ءَ تعینات پاکستان ءِ سفیر جلیل عباس جیلانی ءَ گشتگ انتکہ امریکہ ءَ پاکستان ءِ اقتصادی دیمروی ءَ شریں نگاہ ءَ سیل کنت۔ میاں استمانی بنک، آئی ایم ایف ءُُ امریکی مالیاتی ادارگ گوستگیں سے سال ءِ وھد ءَ پاکستانءِ اقتصادی کار ءُُ کرد ءَ تسلا ءُُ اے سلسلہ ءَ شریں جبزگ داریت۔ اے گپ آئیءَ پنچ شمبے ءَ بنجاہی وزیر سینیٹر اسحاق ڈار ءِ گوں گند ءُُ نند ءِ وھد ءَ گپ ءُُ تران کنگ ءَ کرتگ۔

پاکستانی سفیر ءَ بنجاہوزیر ءَ میاں استمانی بنک ، آئی ایم ایف ءُُ امریکی مالیاتی ادارگ ءِ نیمگءَ پاکستان ءِ اقتصادی کار ءُُ کرد ءِ ھاتر ءَ ستا ءُُ شریں جبزگ ءَ آگاہ کرتگ ءُُ گشتگ کہ امریکہ ءَ ھستیں حکومت ءِ سروک آں اقتصادی پیشرفت ءَ ستا ءِ نگاہ ءَ سیل کن انت۔ آئی ءَ گشتگ کہ یو ایس انسٹی ٹیوٹ آف پیس ءُُ جان ہوپکنز یونیورسٹی ءِ ھواری ءَ امریکہ ءَ معروف تھنک ٹینک ءُُ وانگی ادارگءَ رواں سال واشنگٹن ءَ میاں استمانی بنک ءُُ آئی ایم ایف دیوان ءِ موہءَ بنجاہی وزیر خزانہ اسحاق ڈار ءَ دعوت دئیگ ءُُ پاکستان ءِ اقتصادی سر سوبی آنیباروا تران کنگ ءَ باز دلچسپی درشانی کرتگ انت۔

بنجاہی وزیر ءَ سالانہ دیوان ءِ موہ ءَ امریکی تھنک ٹینک ءِ گوں رابطہ ءِ ھاترءَ بند ءُُ بست کنگ ءِ واہشت ءِ درشانی کرتگ۔ سفیر جیلانی ءَ بنجاہی وزیر ءَ اسلاما ٓباد بوؤکیں پاکستانی سفیر آنی کانفرنس ءِ باروا ہم آگاہ کرتگ۔ بنجاہی وزیر ءَ پاک امریکہ اقتصادی ھاسیں واپاری سیادی ءَ دیمروی دئیگ ءَ سفیر جلیل عباس جیلانی ءِ کوشست آں سہڑائینتگ۔