اسلام آباد (پاکستان پوائنٹ نیوز۔28 جولائی۔2016) بنجاہی وزیر دفاع، آ پ ءُُ توان خواجہ محمد آصف ءِ گوں اٹلی ءِ سفیر سٹیفا نو پونٹی کو رو ءَ پنچ شمبے ءَ گند ءُُ نند کرتگ۔ اے موہ ءَ یکجا دلچسپی، دو نیمگی سیادی ءُُ دفاع ءُُ توانائی ءِ شعبہ ءَ سرمایہ کاری ءِ ھستیں موہ ءِ سرا ھیال ءُُ لیکھہ کرت انت۔ وزارت آپ ءُُ توانءِ بیان ءِ ردا اٹلی ءِ سفیر ءَ گشتگ کہ لہتیں شعبہ آں دوئیں ملک آں یکجا سیادی شر انت۔
آئی ءَ گشتگ کہ اٹلی ءِ سرمایہ کار لہتیں شعبہ آں سرمایہ کاری کنگ لوٹاں۔ اے موہ ءَ بنجاہی وزیر خواجہ محمد آصف ءَ گشتگ کہ پاکستان ہر ملک ءِ گوں سیادی ءَ محکمی ءِ واہشت داریت ءُُ ادا توانائی، دفاع ، واپاری، سائنس ءُُ ٹیکنالوجی ءِ شعبہءَ دیمروی ءِ دراجیں امیت ھست انت۔ خواجہ آصف ءَ گشتگ کہ توانائی ءِ شعبہ ءَ سرمایہ کار آنی ھاتر ءَ زیات پر کشش جوڑ کنگ ءَ انت تنکہ آپ ءُُ کوئلہ ءَ توان پیداک کنگ ءِ ھاتر ءَ زیات ءَ چہ زیات در ملکی سرمایہ کار آں متوجہ کرت کن انت آئی ملک ءِ باندات ءَ توانائی ءِ ضلورت ءَ پورا کنگ بہ بیت۔
ا ٓئی ءَ گشتگ کہ پاکستان ءَ توان پیداک کنگ ءِ کسان آبی منصوبہ، توان ءِ ترسیل ءُُ بہر ءُُ بانگ ءِ شعبہ ءَ سرمایہ کاری ءَ نہ الما پاکستان ءَ پائدگ بہ رسیت بلکں اے اٹلی ءِ ھاترءَ ہم پائدگی بیت۔ اٹلی ءِ سفیر ءَ پاکستان ءِ دیمروی ایجنڈا ءَ اٹلی ءِ نیمگ ءَ سرجمیں کمک ءِ یقین داتگ ءُُ گشتگ کہ اٹلی ءِ سرمایہ کار پاکستان ءِ لہتیں شعبہ آں سرمایہ کاری کنگ لوٹاں۔
