کوئٹہ ہزارگنجی ٹی نادرست سلہہ بند بندغ آتا سم کاری آن اسہ بندغ اس تپاخت کرے

کوئٹہ (پاکستان پوائنٹ نیوز۔28 جولائی۔2016) کوئٹہ نا علاقہ ہزارگنجی ٹی نادرست سلہہ بند بندغ آک سم کاری کرسا اسہ بندغ اسینا خون ءِ کریر و نرار۔ لاش ءِ ہسپتال آ گدریفنگا۔ پولیس نا رداٹ پنچ شنبے آ کوئٹہ نا علاقہ ہزارگنجی ٹی نادرست سلہہ بند بندغ آک سم کاری کریر ہرانا نتیجہ ٹی خدائے رحیم پنی ءُ بندغ اس موقع غا تپاخت کرے ، دوبہ دارآک موقع واردات آن نرنگ اٹی سرسہب مسر واہم سم کاری نا سوب معلوم مننگ کتو، پولیس ءِ احوال ملنگ تون جاگہ غا سرمرسا لاش ءِ بولان میڈیکل ہسپتال آ گدریفیر۔ پولیس علاقہ نا ناکہ بندی ءِ کرسا دوبہ دار آتا پٹنگ نا بناءِ کرینے۔