اسلام آباد(پاکستان نیوز پوائنٹ 27جنوری2016ء) قومی اسمبلی ٹی پنچ شنبے آ پیش بروک آ ناخوشگوار واقعہ غان پد جمعہ آ دیوان نا کارروائی ءِ پد بٹنگا۔ جمعہ آ قومی اسمبلی نا دیوان اسپیکر سردار ایاز صادق نا تخوک آ وخت آ بناء کرے۔ تلاوت کلام پاک و نعت رسول مقبول آن پد اسپیکر سردارایاز صادق پارے کہ تدو ک آدے ہرا واقعہ ایوان اٹی پیش بسنے او افسوزناک ءِ۔
ایوان اٹی قائد ایوان و باسک آتا بارواٹی ہرا نازیبا لوز آتے کاریم اٹ اتنگا اوفتیان ایوان نا تقدس مجروح مسنے۔ داوڑاٹی ایوان چلینپک۔ اوپارے کہ او پارلیمانی لیڈر آتا دیوان ءِ بٹنگسا دابابت ضابطہ اخلاق اس مرتب کیک ہراڑآ او دیوان ءِ ملتوی کرے۔ داکان پد پینل آف چیئرپرسن نا باسک محمود بشیر ورک دیوان نا کماشی ءِ کرسا دیوان ءِ دوشنبے نا بیگہ نا 4بجہ اسکان ملتوی کرے۔
