اسلام آباد(پاکستان نیوز پوائنٹ 27جنوری2016ء) اطلاعات و نشریات نا پارلیمانی سیکرٹری بیرسٹر محسن شاہ نواز رانجھا پارینے کہ پاکستان نا سیاست اٹی انتہاپسندی نا بناء نا زموار پاکستان تحریک انصاف ءِ ۔ پاناما کیس عدالت اٹی زیر سماعت ءِ داوخت آ وزیراعظم نا برخلاف تحریک استحقاق اتنگ مفک۔ جمعہ آ پارلیمنٹ ہاؤس نا پیشن میڈیا تون ہیت وگپ کرسا اوپارے کہ پارلیمنٹ اٹی ہڑدڑنا مذمت ءِ کینہ۔
کرینگ تننگ غلط زبان ءِ کاریم اٹ اتنگ افسوزناک ءِ۔ اوپارے کہ ایوان اٹی غٹ باسک آک تعلیم یافتہ ءُ اگہ اپوزیشن نا بینچ آتیان باسک آک ہیت کیرہ تو حکومتی بنچ آتیان ہم باسک آتے ورندی تروئی مریک دُن مفک کہ اپوزیشن والاک تقریر کیر و حکومت بنچ آتیان باسک آک چپ سلر۔ اوپارے کہ پاناما کیس سپریم کورٹ اٹی زیر سماعت ءِ عمران خان عدالت آ زورشاغنگ کن سہب انا نہہ بجہ غا میڈیا غا تقریر نا بناءِ کیک ، اسہ سوج اسے نا ورندی ٹی اوپارے کہ قومی اسمبلی نا باسک آتے ضابطہ اخلاق آ عمل کننگ و غیر پارلیمانی زبان ءِ کاریم اٹ اتنگ آن پاناد کیر۔
