غٹ باسک آک بایدے ایوان نا تقدس ءِ مون آتخر، دُن انگا تقریر آن پاناد کننگے ہراڑآن کس اسے نا ذات آ تنقید مرے، باسک قومی اسمبلی اعجاز الحق

اسلام آباد(پاکستان نیوز پوائنٹ 27جنوری2016ء) پاکستان مسلم لیگ (ضیاء) نا سروک باسک قومی اسمبلی اعجا ز الحق پارینے کہ پارلیمنٹ نا تہٹی پارلیمانی زبان ءِ بایدے کاریم اٹ اتنگے، داکان مست ایوان اٹی نن داوڑنا واقعہ خنتنن۔ جمعہ آ پارلیمنٹ ہاؤس نا پیشن میڈیا تون ہیت وگپ کرسا اوپارے کہ تدوک آ دے ایوان ٹی انتس کہ مس ، دابابت اسپیکر قومی اسمبلی پارلیمانی کمیٹی نا دیوان ءِ بٹنگانے۔ اوپارے کہ پارلیمنٹ نا تہٹی پارلیمانی وڑاٹ پارلیمانی زبان ءِ بایدے کاریم اٹ اتنگے۔ اوپارے کہ انتس کہ تدوک آدے ایوان اٹی مس داکان مست دُن ءُ روایت نن خنتنن۔ غٹ باسک آک بایدے ایوان نا تقدس ءِ مون آتخر، اعجاز الحق پارے کہ دُن انگا تقریر آتیان پاناد کننگے ہراڑآن کس اسے نا ذات آ تنقید مرے۔