آفیشل پاسپورٹ نا پنہ غاتیٹی ودکی کننگے، اسپیکر قومی اسمبلی نا وزارت داخلہ ءِ پارت

اسلام آباد(پاکستان نیوز پوائنٹ 26جنوری2016ء) اسپیکر قومی اسمبلی سردار ایاز صادق وزارت داخلہ ءِ پارت کرینے کہ آفیشل پاسپورٹ نا پنہ غاتیٹی ودکی کننگے وخت ا س کہ پارلیمانی سیکرٹری داخلہ دا سلاہ آن امنا کرینے۔ پنچ شنبے آ قومی اسمبلی ٹی وقفہ سوج آتیٹی نعیمہ کشور نا سوج اناورندی ٹی افضل ڈھانڈلہ پارے کہ 132ملک آتیٹی پاکستان نا پاسپورٹ چلینگ انگ کیک، 37ملک آتیٹی ننے ویزہ ہلوئی تمپک۔ اوپارے کہ پاکستانی پاسپورٹ نا درجہ بندی نا تنزلی آن وزارت داخلہ ءِ سمااف۔ اوپارے کہ بلیو پاسپورٹ نا پنہ غاتے ودفنگک۔ دا پاسپورٹ نا معیار ءِ گچین جوڑ کننگک۔