پاکستان مسلم لیگ (ن) نا راہشون وزیر مملکت کیڈ ڈاکٹر طارق فضل چوہدری نا سپریم کورٹ نا پیشن میڈیا تون ہیت وگپ

پاکستان مسلم لیگ (ن) نا راہشون وزیر مملکت کیڈ ڈاکٹر طارق فضل چوہدری نا سپریم کورٹ نا پیشن میڈیا تون ہیت وگپ

اسلام آباد(پاکستان نیوز پوائنٹ 26جنوری2016ء) پاکستان مسلم لیگ (ن) نا راہشون وزیر مملکت کیڈ ڈاکٹر طارق فضل چوہدری پارینے کہ مریم نواز نا برخلاف پی ٹی آئی نامقدمہ دروغ ءِ ، عمران خان بھلو لیڈر اس تینے سمجھک ولے مریم نواز آن خلیک۔ پنچ شنبے آ سپریم کورٹ نا پیشن میڈیا تون ہیت وگپ کرسا اوپارے کہ پاکستان نا تاریخ اٹی داکان مست ہم سیاست دان تیا دوبہ خلنگسا کرے ولے کسس عدالت یا میڈیا غا مون آ بننگ گوارہ کتو وخت اس کہ پاناما پیپرہندن ءُ مقدمہ اسے ہراٹی وزیراعظم و اونا مسہ نسل انا احتساب کننگ انگ ءِ۔

ڈاکٹر طارق فضل پارے کہ مخالف آتا کنڈآن خلوک آ غٹ دوبہ غاک دروغ ءُ و پی ٹی آئی اسٹ اسے نا ہم شاہدی ءِ پیش کننگ کتو ، داسہ کیس وزیراعظم نا چناتا بابت مون آ ہِننگ ءِ ہراٹی مریم نواز ءِ وزیراعظم نا زیر کفالت ثابت کننگ نا کوشست کننگ انگ ءِ ولے دا بابت ہم تحریک انصاف ہچ ءُ شاہدی اس عدالت اٹی پیش کننگ کتنے۔ اوپارے کہ مریم نواز برامی ءِ و اونا کشاری ڈغار نا بابت غٹ شاہدی تے اونا وکیل عدالت اٹی داخل کرفینے ، مریم نواز وزیراعظم نا زیرکفالت اف۔ اوپارے کہ پی ٹی آئی نا کنڈآن مریم نواز نا برخلاف کیس بالکل دروغ ءِ انتئے کہ او نئے تو سرکاری عہدہ سے آ مسنے و نئے ہی اونا پراپرٹی نا بابت تنازعہ اس مون آ بسنے۔ اوپارے کہ تحریک انصاف دروغ ءِ سچ ثابت کننگ نا کوشست کننگ ءِ۔