اسلام آباد(پاکستان نیوز پوائنٹ 26جنوری2016ء) قومی محکمہ موسمیات نا رداٹ پر و برف باری نا ساڑی چرجوئی وقفہ وقفہ اٹ مارچ انا نیمہ اسکان برجاہ سلنگ نا گمان ءِ۔ محکمہ موسمیات نا رداٹ ساڑی آ پرتیان پد یخ ءُ تہو تتون پر انا پوسکن آ چرجوئی 3آن 6فروری ٹی بناء مننگ نا گمان ءِ۔ اوپارے کہ اینخو سال انا بناء مننگ آن پد پر تا مسہ سسٹم داخل مننگ آن پد گدرینگانو۔
موسمیاتی تغیری نظام لانینا و ڈی پول نا سوب آن مارچ انا نیمہ اسکان ننے پر تا مسٹ آن چار چرجوئی نا مون تروئی تمنگ مریک۔ جم وڑاٹ وسط مارچ اسکان پاکستان تون اوار مچ آ سویل ایشیا ٹی پر و یخ انا چرجوئی برجاہ سلنگ نا گمان ءِ۔ محکمہ موسمیات پارے کہ آمدہ و یک اینڈ (پگہ و پگہ آخا ایلودے) ٹی ملک انا گیشتر بشخ آتیٹی موسم خشک و یخ سلنگ نا گمان ءِ۔
