اسلام آباد(پاکستان نیوز پوائنٹ 26جنوری2016ء) پاک فضائیہ نا سروک ایئر چیف مارشل سہیل امان تون ترکی نا ڈپٹی چیف آف جنرل اسٹاف جنرل عمیت دندار پنچ شنبے آ داڑے ایئر ہیڈ کوارٹراٹی اوڑدہی کرے۔ ترجمان پاک فضائیہ نا رداٹ ایئر ہیڈ کوارٹر اسلام آباد آ بننگ آ پاک فضائیہ نا سروک ایئر چیف مارشل سہیل امان شرفمند آمہمان تے بخیر کرے۔ پاک فضائیہ نا اسہ چاق و چوبند دستہ اودے سلامی پیش کرے۔
پاک فضائیہ نا سروک پرنسپل اسٹاف آفیسر نا شرفمند آ مہمان تون درستی راستی ءِ کرفنگا۔ جنرل عمیت دندار پاک فضائیہ نا سروک تون اونا دفتر اٹی اوڑدہی کرے و کسبی است خواہی نا معاملہ غاتیا خیال آتا درشانی ءِ کریر۔ داہیت وگپ اٹی ہڑتوم آ ملک آتا نیام اٹ تین پہ تینی کمک اٹی پین ودکی نا بابت معاملہ غاتیاشرہ کننگا۔ داوخت آ ہڑتوم آک ٹیکی ہم اسہ ایلو ءِ تسر۔