اسلام آباد(پاکستان نیوز پوائنٹ 24جنوری2016ء) وزیر داخلہ چوہدری نثارعلی خان تون پوسکن تعینات مروک آ ڈی جی رینجرپنجاب میجر جنرل اظہر نوید حیات خان سے شنبے آ داڑے اوڑدہی کرے۔ وزارت داخلہ نا کنڈآن جاری بیان نا رداٹ وزیر داخلہ میجر جنرل اظہر نوید ءِ بطور ڈی جی رینجرپنجاب تعیناتی آ مبارکبادی تس۔ اوپارے کہ دے ٹکی سیم تا رکھ، بارڈر مینجمنٹ و صوبہ ٹی امن و ایمنی نا اڈتننگ نا چرجوئی ٹی رینجرآک فوج و پولیس تون اواری اٹ ہرا خذمت آتے سرانجام تسنواو ستاء کڑزرہ۔
وزیر داخلہ پارے کہ دورِ حاضر نا گرج و تہہ نا سیکورٹی ءِ مون آ تخسا رینجرآتا کاریم نا کچ ءِ ودفنگ آ خصوصی چکار کننگے و اوفتا تربیت پوسکن آ وڑوڈول آتیا کننگے تانکہ او ساڑی آ و ہر بروک آ چیلنج نا جوان وڑاٹ مقابلہ ءِ کننگ کیر۔ اوپارے کہ تینا فرض انا ادائیگی نا چرجوئی ٹی رینجرزآتے ہروڑنا سپورٹ فراوان کننگک۔
