اسلام آباد(پاکستان نیوز پوائنٹ 24جنوری2016ء) آزاد کشمیر نا وزیراعظم راجہ فاروق حیدر خان پارینے کہ جہانی واک آک کشمیر نا ویل ءِ ایسر کرفنگ کن بایدے کڑد ادا کیر۔ ریڈیو پاکستان تون ہیت وگپ کرسا اوپارے کہ مقبوضہ کشمیر اٹی بھارتی فوج کودک کشمیری تیا بیدادی کننگ ءِ و سد آ کشمیری تے شہید، ٹھپی و ورناتے نابینا کرینے و جہانی برادری چپ ءِ۔ اوپارے کہ جہانی واک آتے بایدے مرے کہ او بھارت آ کشمیر نا ویل انا ایسر کننگ کن تینا اثرورسوخ ءِ کاریم اٹ اتنگ۔
وزیراعظم آزاد کشمیر پارے کہ کشمیری ورناک گدرینگوک آ کیہی توآن حق خودارادیت نا دوئی کن روڈآتیا ٹی ءُ، کشمیری ورناتاپاننگ ءِ کہ داسہ او تینا حق ءِ ہلنگ آن بیدس آرام اٹ تولپسہ۔ راجہ فاروق حیدر خان جہانی واک آتیان خواست کرسا پارے کہ او کشمیر نا ویل ءِ پرامن وڑاٹ ایسر کرفنگ کن تینا کڑد ءِ ادا کیر۔
