اقتصادی رابطہ کمیٹی اینخو مالی سال 2016-17ء کن کھد آ زرتلافی ءِ برجاہ تخنگ نا منظوری ءِ تس، 28اپریل 2017ء اسکان بیدس سبسڈی نا 3لکھ ٹن یوریا کھد برآمد کننگ نا ہم موکل

اسلام آباد(پاکستان نیوز پوائنٹ 23وری2016ء) کابینہ نا اقتصادی رابطہ کمیٹی (ای سی سی) اینخو مالی سال 2016-17ء کن کھد آ زَرتلافی (سبسڈی) ءِ برجاہ تخنگ نا منظوری ءِ تسنے۔ اقتصادی رابطہ کمیٹی نا دیوان بنجائی وزیر خزانہ سینیٹر اسحاق ڈارنا کماشی ٹی دوشنبے آ داڑے پرائم منسٹر آفس اٹی مس۔ دیوان اٹی کمیٹی اینخو مالی سال اٹی فرٹیلائزر سبسڈی ءِ برجاہ تخنگ نا منظوری ءِ تننگ آن بیدس 28اپریل 2017ء اسکان بیدس سبسڈی نا 3لکھ ٹن یوریا کھد برآمد کننگ نا ہم موکل تسنے۔ اقتصادی رابطہ کمیٹی نا دیوان اٹی بنجائی سیکرٹری ڈاکٹر وقار مسعود خان و فیڈرل بورڈ آف ریونیو نا سبکدوش مروک آ چیئرمین نثارمحمد نا خذمت آتا ہم ستاکننگا۔