بنجائی حکومت نا خصوصی شونداری ڈٹ آتے کن جم وڑاٹ 79ارب روپئی نا فنڈ جاری

اسلام آباد(پاکستان نیوز پوائنٹ 23وری2016ء) وزارت ڈٹ بندی و شونداری سرکاری بشخ انا شونداری پروگرام اٹی بنجائی حکومت نا خصوصی شونداری ڈٹ آتے کن داوخت اسکان جم وڑاٹ 79ارب روپئی نا فنڈ جاری کرینے۔ حکومت سرکاری بشخ انا شونداری ڈٹ آتیٹی بنجائی حکومت نا خصوصی پروگرام تے کن اسہ کھرب 99 ارب 66کروڑ روپئی آن زیات نا فنڈ جتا کرینے۔ پلاننگ کمیشن نا برجاہ کروک حساب وکتاب نا رداٹ حکومت پائیدار شونداری ہدف آتا دوئی کن 20ارب روپئی، عارضی وڑاٹ بے اُرا مروک آ بندغ آتا بحالی کن 48ارب 26کروڑ روپئی، پرائم منسٹر یوتھ و ہنر مند پروگرام کن 7ارب 94کروڑ روپئی و ایراکن 4ارب 35کروڑ روپئی نا فنڈ جاری کرینے۔