اسلام آباد (پاکستان نیوز پوائنٹ 21نوری2016ء) کرم ایجنسی ءِ ھیڈکوارٹر پاراچنار ءِ سبزی منڈی ءَ یک شمبے ءِ سھب ءِ سر ءَ بمب تراک ءِ نتیجگ ءَ 20 مردم شہید ءُُ 70کس ٹپیگ بوتگ اَنت، تراک ءِ چیز سبزی منڈی ءَ فروٹ ءِ کریٹ ءَ ایر بوتگ اَنت، ٹپیگ آناں آرمی ءِ ھیلی کاپڑ ءِ وسیلگ ءَ پشاور ءَ روان دیگ بوتگ۔ تراک ءَ پد دمگ ءِ سرچ آپریشن بندات کنگ بوتگ۔ سرکاری ھال در آنی رد ءَ گوشگ بوتگ کہ تراک ناشرکار آنی نیمگ ءَ سبزی منڈی ءَ یک فروٹ ءِ کریٹ ءِ ءَ چیر کنگ بوتگ ایش سھب ءِ 8بج ءُُ 30ملنٹ ءَ ترک اِتگ، اے وھد ءَ رُمب ءِ مردم ھمے کش ءُُ کر ءَ اوشتاتگ بوتگ اَنت۔
سیکورٹی فورسزز آں کمکی کار بندات کتگ اَنت۔ اُردی ھیلی کاپٹر ءِ وسیلگ ءَ ٹپیگ آناں ءُُ شہید بوتگیں مردم آناں ایجنسی ھیڈ کوارٹر ہسپتال پارہ چنار ءَ روان دیگ بوتگ، ہسپتال ءِ ھال در آنی رد ءَ انوگ ءَ تاں 78ٹپیگ آنی تہ ءَ سبزی بھا کنوک ءُُ بھا زوروک ھوار اَنت۔ پولیٹیکل انتظامیہ ءِ رد ءَ تراک ءَ 70 ءَ چہ گیش مردم ٹپیگ بوتگ اَنت، سک باز ٹپیگ ایں مردم آناں پشاور ءُُ کمو ٹپیگ آناں ایجنسی ءِ ھیڈ کوارٹر ہسپتال پارہ چنار ءَ روان دیگ بوتگ۔
کارندہ آں گوشت کہ آوانی لڑ جاڑی کنگ بنت۔ تانکہ سیاد ءُُ وارس ایشانی پجار ءَ بکن اَنت۔ سرچ آپریشن جاڑی اِنت ءُُ انوگ ءَ تاں اِچ کس دزگیر نہ کتگ، پولیٹکل انتظامی ءَ وتی پٹ ءُُ پولی ٹیمب روادگ کتگ اَنت ۔ اسسٹنٹ پولیٹیکل ایجنٹ اپر کرم ایجنسی ءَ گوشت کہ تراک ءِ چیز سبزی منڈی ءَ فروٹ ءِ کریٹ ءَ ایر کنگ بوتگ اَنت، پد اھم اے رد ءَ سرجمیں رپوٹ زوت جاڑی کنگ بیت، آئی ءَ گوشت کہ محرم ءَ ناشرکار آنی نیمگ ءَ دمکی رستگ بوتگ بلے ترندیں سیکورٹی انتظامی ءِ رد ءَ اِچ ھرابیں واکیہ نہ بوتگ۔
