اسلام آباد(پاکستان نیوز پوائنٹ 20نوری2016ء) وزارت ڈٹ بندی و شونداری سرکاری بشخ انا شونداری پروگرام تیٹی مواصلات ڈویژن نا شونداری ڈٹ آتے کن جم وڑاٹ داوخت اسکان 80ارب روپئی آن زیات نا فنڈ جاری کرینے۔ حکومت اینخو مالی سال نا سرکاری بشخ انا شونداری پروگرام تیٹی دا ڈویژن نا شونداری پروگرام تے کن اسہ کھرب 88ارب روپئی نا فنڈ جتا کرینے۔ پلاننگ کمیشن نا جاری کروک حساب وکتاب نا رداٹ حکومت فیصل آباد۔
خانیوال ایکسپریس وے نا جوڑ جاڑ کن 40کروڑ روپئی، نواب شاہ ٹی سکرنڈ بائی پاس آ پول اسے نا جوڑ جاڑ کن 40کروڑ روپئی، لواری ٹنل ءِ ملفوک آ روڈ آتا جوڑ جاڑ کن 3ارب 40کروڑ روپئی، لیاری ایکسپریس وے نا جوڑ جاڑ کن اسہ ارب، پشاور۔نادرن بائی پاس نا جوڑ جاڑ کن 25کروڑ روپئی، برہان۔ہکلہ سیکشن نا جوڑ جاڑ کن 5ارب 80کروڑ روپئی، خوشاب۔نگ بسیمہ سراب روڈ نا جوڑ جاڑ کن 2ارب 80 کروڑ روپئی، برہان حویلیاں ایکسپریس وے نا جوڑ جاڑ کن 46کروڑ روپئی ، تھاکوٹ۔
حویلیاں روڈ انا جوڑ جاڑ کن 2ارب 25کروڑ روپئی، سیالکوٹ۔لاہور موٹروے نا جوڑ جاڑ کن 4ارب روپئی، لاہور۔عبدالحکیم سیکشن نا جوڑ جاڑ کن 13ارب 60کروڑ، ملتان۔سکھر سیکشن نا جوڑ جاڑ کن 65کروڑ روپئی، بسیمہ ۔خضدار سیکشن نا جوڑ جاڑ کن 31کروڑ روپئی تون اوار کیہی شونداری ڈٹ آتے کن فنڈ جاری کرینے۔
