عمران خان سیاست ءِ ہم گوازی اس سمجھک ، او سیاست آن استیفہ ترسا کرکٹ آ توجوہ ایتے، نہا ل ہاشمی

عمران خان سیاست ءِ ہم گوازی اس سمجھک ، او سیاست آن استیفہ ترسا کرکٹ آ توجوہ ایتے، نہا ل ہاشمی

اسلام آباد(پاکستان نیوز پوائنٹ 19نوری2016ء) مسلم لیگ (ن) نا راہشون نہال ہاشمی پارینے کہ وزیراعظم محمد نواز شریف پارینے کہ عدالت و الس نا فیصلہ ہی ننا فیصلہ مریک۔ سپریم کورٹ نا پیشن میڈیا تون ہیت وگپ کرسا اوپارے کہ عمران خان ءِ بایدے مرے کہ او خیبر پختونخوا ٹی کرپشن و برف باری آن پد خلقت نا مشکل آتا کنڈاتوجوہ ایتے خلقت نا بھلو کچ اس چترال و ایب و کیب اٹی اختہ ءُ۔

نہال ہاشمی پارے کہ اگہ عمران خان خیبر پختونخوا ٹی خلقت نا مشکل آتے کم کننگ کن کاریم کننگ کپک تو او سیاست آن استیفہ ترسا کرکٹ آ توجوہ ایتے ، او سیاست ءِ ہم گوازی اس سمجھک۔ اوپاناما کیس انا بابت وزیراعظم نا بیان نا وضاحت ءِ کرسا پارے کہ وزیراعظم محمد نواز شریف پارینے کہ عدالت و الس نا فیصلہ ہی ننا فیصلہ مریک وخت اس کہ ارٹ میکو کنڈعمران خان نا ہم نوا عدالتی فیصلہ نا بننگ آن مست ہی تینا فیصلہ ءِ صادر کننگ نا کوشست کننگ ءُ۔