صحافی تا سائبر کرائم بل انا معاملہ غا ایوان بالا نا پریس گیلری آن واک آؤٹ

صحافی تا سائبر کرائم بل انا معاملہ غا ایوان بالا نا پریس گیلری آن واک آؤٹ

اسلام آباد(پاکستان پوائنٹ نیوز۔27 جولائی۔2016) صحافیک سائبر کرائم بل انا معاملہ غا ایوان بالا نا پریس گیلری آن واک آؤٹ کریر ہرافتے گڈ اٹی سینیٹر مشاہد اللہ خان خوش کرسا پدی ہیس۔ چارشنبے آ ایوان بالا نا دیوان نا وخت آ صحافیک پریس گیلری آن واک آؤٹ کریر تو پینل آف پریزائیڈنگ آفیسرز نا باسک سینیٹر احمد احسن سینیٹر مشاہداللہ تون پاریر کہ او صحافی تیا ہنسا اوفتا واک آؤٹ نا سوب ءِ معلوم کیر۔

اوکان گڈ سینیٹر مشاہد اللہ خان پدی برسا پارے کہ صحافی تے سائبر کرائم بل آ گڑتی ءِ و اوفک پارینو کہ دا بل انا منظوری آن مست صحافی تا تنظیم آتا نمائندہ غاتا وزیر مملکت انفارمیشن ٹیکنالوجی انوشہ رحمان تون اوڑدہی ءِ کرفنگے۔ سینیٹر مشاہداللہ خان پارے کہ اوفک یخین دہانی کرفینو کہ اسہ اِرادے اٹی اوفتاانوشہ رحمان تون اوڑدہی ءِ کرفنگک۔ اونا دا یخین دہانی آ صحافیک واک آؤٹ کرینو۔