خیبر پختونخوا ، فاٹا و گلگت بلتستان اٹی ہفتہ آن چارشنبے نا وخت جاگہ جاگہ ہورہ و گروک تون اوار پر ، مش تیا برف باری نا گمان ءِ، محکمہ موسمیات

اسلام آباد(پاکستان نیوز پوائنٹ 13جنوری2016ء) محکمہ موسمیات نا رداٹ جمعہ آ بلوچستان نا کسرتیان ملک اٹی پترینگوک آ دیکی تہوتا فعال چرجوئی نا زیر اثر بلوچستان اٹی یک شنبے اسکان گیشتر ہند آتیا ، سندھ اٹی گڑاس ہند آتیا، اسلام آباد، بڑزکو پنجاب اٹی یک شنبے آن چارشنبے نا وخت جاگہ جاگہ ، سویلی پنجاب اٹی ہم ہفتہ و یک شنبے نا دے گڑاس ہند آتیا، وخت اس کہ خیبرپختونخوا، فاٹا و گلگت بلتستان اٹی ہفتہ آن چارشنبے نا وخت جاگہ جاگہ ہورہ و گروک تون اوار پر و مش تیا برف باری ناگمان ءِ۔

جمعہ آ ریکارڈ کروک آ یخ انگا ہند آتا درجہ حرات نا رپورٹ نا رداٹ سکردو ٹی درجہ حرارت منفی 13، استور منفی 12، کالام منفی 11، گوپس منفی 10، مالم جبہ منفی 8، بگروٹ ، قلات ، دیر منفی 7، راولاکوٹ، گلگت منفی 6، پاراچنار، ہنزہ منفی 5، دروش منفی 4، چترال و مری منفی 3ڈگری سینٹی گریڈ ریکارڈ کننگا۔ محکمہ موسمیات نا رداٹ گدرینگوک آ 24گھنٹہ نا وخت ملک انا گیشتر علاقہ غاتیٹی موسم بھاز یخ و خشک سلیس وخت اس کہ پنجاب نا میدانی علاقہ و بڑزکو سندھ گوتلو نا پلویڑ اٹی ئسر۔ بروک آ 24گھنٹہ نا وخت ملک انا گیشتر علاقہ غاتیٹی مطلع جزوی وڑاٹ ابرآلود سلک وخت اس کہ پنجاب نا میدانی علاقہ و بڑزکو سندھ اٹی نن و دے انا وخت آتیتی گوتلوبرجاہ سلک۔