حکومت مدرسہ غاتا جدیدیت نا بابت گام گیج کننگ ءِ، بنجائی وزیر مذہبی امور سردار محمد یوسف نا احوالکار آتون ہیت وگپ

حکومت مدرسہ غاتا جدیدیت نا بابت گام گیج کننگ ءِ، بنجائی وزیر مذہبی امور سردار محمد یوسف نا احوالکار آتون ہیت وگپ

اسلام آباد(پاکستان نیوز پوائنٹ 13جنوری2016ء) بنجائی وزیر مذہبی امور سردار محمد یوسف پارینے کہ حکومت مدرسہ غاتا جدیدیت نا بابت گام گیج کننگ ءِ۔ جمعہ آ ریڈیو پاکستان تون ہیت وگپ کرسا اوپارے کہ مدرسہ غاتیٹی جدید نصاب تعلیم وخت انا اہم ءُ گرج اسے ہرادے ممکن جوڑ کننگ کن وزارت مذہبی امور تینا کڑد ءِ ادا کننگ ءِ۔ اومستی پارے کہ پنچ جماعت اسکان قرآن پاک نا تعلیم ءِ المی گوندنگک و شش می جماعت آن دوانزدہ می جماعت اسکان قرآن پاک ترجمہ اتون خوانفنگک۔ اوپارے کہ مدرسہ غاتیٹی اصلاحات وخت انا اہم ءُ گرج اسے تانکہ مذہبی و جدید تعلیم نا نصاب اٹی توازن ءِ قائم کننگ مرے۔