اسلام آباد(پاکستان نیوز پوائنٹ 13جنوری2016ء) ایوان بالا ءِ پاننگانے کہ پاکستان اسٹیل مل آتا نجکاری نا معاملہ نجکاری کمیشن اٹی ءِ، داوخت آ اونا پیداوار توروک ءِ۔ جمعہ آ ایوان بالا ٹی وقفہ سوج آتا وخت سینیٹر احمد حسن نا سوج انا ورندی ٹی وزیر صنعتیں و پیداوار پارے کہ 30-11-2016ء اسکان پاکستان اسٹیل مل آتا زمہ گیس انا بل انا مد اٹی 46.25ارب روپئی نا زرسلوک ءِ ۔
حکومت نا کنڈآن اسٹیل مل آتا نجکاری نا عمل کن پبی کوشست کننگ انگ ءِ۔ دا مل آتے امدادی پیکج فراوان کننگ نا ہچ ءُ سلاہ سے سجفنگ پننگ ءِ ۔ اپریل 2014ء ٹی مل شش درسد سی اے یوپی آ کاریم کریکہ۔ امدادی پیکج اٹی خام اسٹیل نا پیداوار جولائی 2014ء نا 9.4درسد آن ودسا اکتوبر 2014ء اسکان 40.6درسد مس۔ داوخت آ پیداوار توروک ءِ۔ وزیر صنعتیں و پیداوار پارے کہ اسٹیل مل آتا لیز اٹی چین و ایران ہم است خواہی تخرہ۔ دابابت انت کہ فیصلہ اس کروئی ءِ نجکاری کمیشن ءِ کروئی ءِ۔ ڈاکٹر جہانزیب جمالدینی نا سوج انا ورندی ٹی وزیر کانود زاہد حامد پارے کہ ہراکڑز آتے دوئی کننگانے او تینا کچ ءِ مون آ تخسا ہلنگانو۔
