ایوان بالا دیوان، باسک آک السی اہمیت نا معاملہ غاتیا ہیت کریر مردم شماری کننگ نا وخت جتا بولی پاروک آ و پردیسی تا بابت ہم حسا ب وکتا ب جمع کننگے، سسی پلیجو

اسلام آباد(پاکستان نیوز پوائنٹ 13جنوری2016ء) ایوان بالا ٹی جتا سیاسی جماعت آتیان تعلق تخوک آ باسک آک السی اہمیت نا جتا معاملہ غاتیا ہیت کریر۔ جمعہ آ ایوان بالا نا دیوان اٹی سینیٹر سسی پلیجو پارے کہ مردم شماری کننگ نا وخت جتا بولی پاروک و پردیسی تا بابت ہم حساب وکتاب جمع کننگے تانکہ غٹ صوبہ غاتے این ایف سی ٹی اوفتا سہی بشخ ملنگ کے۔ سینیٹر نعمان وزیر پارے کہ درملکی کڑزآتا بابت تدوک آ دے و اینو نا دیوان اٹی پیش کروک آ حساب و کتاب اٹی پرخ ارے۔

چیئرمین پارے کہ او سرجم آتے جمع کرسا اوڑآ تحریک اتنگ کیک۔ سینیٹر عثمان خان کاکڑ پارے کہ پختون تا شناختی کارڈ آک بلاک کننگانو۔ دا ویل آچکار کننگے۔ سینیٹر ثمینہ عابد پارے کہ سہدار تا حق انا رکھ اکن ہم بایدے کاریم مرے۔ چیئرمین سینیٹ پارے کہ نی و سینیٹر نزہت صادق چڑیا گھر آ ہنسا سہدار تا حالیت نا جاچ ءِ ہلسا رپورٹ ءِ ایوان اٹی پیش کیر۔ سینیٹر میر کبیر محمد شہی پارے کہ پی آئی اے نا بابت غاوک ءُ۔ جہاز آک وخت آ چلینگ پننگ انگ ءُ و جہاز آتا شیڈول ہم سہی اف۔ اوفتا شیڈول ءِ سہی کننگے۔ سینیٹر کلثوم پروین پارے کہ پرائیویٹ اسکول ہر تو فیس آتے ودفنگ ءُ۔ دانا نوٹس ءِ ہلنگے۔ چیئرمین سینیٹ پارے کہ دا معاملہ غاتحریک اس اتنگ مریک ۔ داڑآ شرہ کینہ۔