ایوان بالا دیوان ، چیئرمین استحقاق مجروح مروک آ سوج آ سینیٹ نا استحقاق کمیٹی نا رپورٹ ءِ ایوان اٹی پیش کننگ کن پین مہلت تس

اسلام آباد(پاکستان نیوز پوائنٹ 13جنوری2016ء) چیئرمین سینیٹ میاں رضا ربانی تینا رولنگ آ وزارت خزانہ و نیشنل بینک انا کنڈآن عمل کپننگ نا بناء آ سینیٹ نا استحقاق مجروح مروک آ سوج آ سینیٹ نا استحقاق کمیٹی نا رپورٹ ءِ ایوان اٹی پیش کننگ کن پین مہلت تس۔ جمعہ آ ایوان بالا نا دیوان اٹی سینیٹ نا قائمہ کمیٹی استحقاقات نا چیئرمین سینیٹر جہانزیب جمالدینی تحریک پیش کرے کہ کمیٹی ءِ پین 60 دے انا مہلت تننگے تانکہ او دا معاملہ غا کمیٹی نا رپورٹ ءِ پیش کننگ کے۔ چیئرمین کمیٹیءِ وخت تننگ نا منظوری ءِ تس۔ چیئرمین سینیٹ گیس انفراسٹرکچر ڈویلپمنٹ سیس بل 2015ء آ کمیٹی نا رپورٹ آ عملدرآمد کن جوڑ کروک آ خصوصی کمیٹی ءِ ہم رپورٹ پیش کننگ کن پین سی دے انا مہلت تس۔