اسلام آباد(پاکستان نیوز پوائنٹ 11جنوری2016ء) پاکستان مسلم لیگ (ن) نا راہشون مائزہ حمید پارینے کہ وزیراعظم محمد نواز شریف غٹ سیاسی جماعت آتون صلابت آن پد فوجی عدالت آتا ودیکی نا بارواٹی فیصلہ اسے نا پڑو ءِ کیک ۔ احوالکارآتون ہیت وگپ کرسا اوپارے کہ وزیراعظم پاکستان آپریشن ضرب عضب نا بناء آن مست غٹ سیاسی جماعت آتون صلابت کریسس۔ اوپارے کہ وزیراعظم اسہ جمہوری ءُ بندغ اسے و غٹ ملکی امور سیاسی نا تین پہ تینی صلابت آن ہی کیک۔
مائزہ حمید پارے کہ 16دسمبر 2014ء آ پشاور اٹی واقع آرمی پبلک اسکول (اے پی ایس) اٹی دہشت گرد آتا جلہو اٹی 144چناتا شہیدی آن پد جنوری 2015ء ٹی اِرا سال نا وخت اکن فوجی عدالت آک اڈ تننگار، تینا مدانا وخت دا عدالت آک 274مقدمہ غاتے چٹفیر و 161دہشت گرد آتے سزائے موت، 113دہشت گرد آتے جتا مدانا قید سزا تننگا۔ اوپارے کہ آپریشن ضرب عضب و فوجی عدالت آک دہشت گردانہ سرجزآتیٹی کمتی اتنگ کن اہم کڑد ادا کرینو۔
