کٹاس راج(پاکستان نیوز پوائنٹ 11جنوری2016ء) بنجائی وزیر سائنس و ٹیکنالوجی رانا تنویر حسین پارینے کہ پاکستان آبی وسیلہ غاتیا موسمیاتی بدلی نا زئم تیان غٹ آن زیات خلیس آن دوچار ملک آتیٹی اوار ءِ۔ پاکستان دا گلوبل چیلنج تون مون تننگ کن جہانی کوشست آتیٹی فعال کڑد ادا کننگ ءِ۔ دیر انا بابت تھنک ٹینک زیلی کمیٹی نا اڈتننگ پاکستان انجینئرنگ کونسل نا اہم ءُ گام اسے۔
وزارت سائنس و ٹیکنالوجی تینا ذیلی تنظیم تا کمک اٹ شونہالی و شونداری پسند پاکستان وژن نا دوئی کن کوشست کننگ ءِ۔ داخیال آتا درشانی ءِ او چارشنبے آ پاکستان انجینئرنگ کونسل (پی ای سی ) ٹی پاکستان اٹی آبی وسیلہ گاتیا موسمیاتی بدلی نا زئم تیان بابت اسہ دے ئی صلابتی ورکشاپ آن تران کرسا کرے۔ رانا تنویر حسین پی ای سی نا کوشست آتا ستاءِ کرسا پارے کہ پاکستان انجینئرنگ کونسل قومی گرج آتارداٹ نئے بیرہ انجینئرنگ نا پیشہ ءِ مون آدننگ اٹی پیش پیش ءِ بلکن ملک اٹی آبی وسیلہ غاتا کمتی ناغٹ آن اہم ویل ءِ ہم تالان کننگ کن کوشست کننگ ءِ۔
اوپارے کہ پاکستان موسمیاتی بدلی نا زئم خاص کر اونا آبی وسیلہ غٹ آن زیات خطرہ آن دوچار ملک آتیٹی اوار ءِ۔ اودیر انا بابت تھنک ٹینک ذیلی کمیٹی نا اڈتننگ ءِ پی ای سی نا اہم گام اس گونداوپارے کہ داڑآن موسمیاتی بدلی نا زئم و آبی وسیلہ غاتا کمتی نا بابت ملکی کہول آ کوشست آتے پین سوگوی رسینگک۔ اوپارے کہ تھنک ٹینک کمیٹی ءِ تنیا آخا بلکن ایلو سٹیک ہولڈرز و انجینئرنگ ڈسپلن نا کسبی ادارہ غاتون اواری اٹ کاریم کروئی مرے۔
بنجائی وزیر دااومیت نا درشانی ءِ کرے کہ دا اہم صلابت ورکشاپ آن ملکی آبی وسیلہ غاتیا موسمیاتی بدلی نا زئم آتے کم کننگ کسر ہموار مریک۔ اوپارے کہ پاکستان انجینئرنگ کونسل، صوبائی حکومت و اریگیشن محکمہ غاتا اواری اٹ دیر انا بابت پالیسی تیا عملدرآمد کن میکنزم اس طے کننگک۔
