مزن وزیر محمد نواز شریف ءِ تجارت ءِ دیمروئی ءِ ھاترا زُرتگیں گامگیج آنی بابت ءَ مراگش ءَ گُشتانک

مزن وزیر محمد نواز شریف ءِ تجارت ءِ دیمروئی ءِ ھاترا زُرتگیں گامگیج آنی بابت ءَ مراگش ءَ گُشتانک

اسلام آباد(پاکستان نیوز پوائنٹ 10جنوری2016ء) مزن وزیر محمد نواز شریفءَ گوشت کہ ھاٹیگ ءِ کمیگ ءَ را سرجم کنگ ، ایمنی ءَ را برجم دارگ ءُُ معشیت ءِ جیڈھ آناں گیوار کنگ بوھگ ءَ اِنت، دیمروئی کار آنی سبب ءَ بیروزگاری بُن ءَ چہ ھلاس کنگ بیت، ملک ءِ اندر ءَ وشھالی کئیت، 180ارب کلدار ءِ دیمروئی کار آنی سبب ءَ برآمد کنگ ءِ تہ ءَ گیشی کئیت۔ ما واھشت دار آں کہ کشت ءُُ کشاری ءِ شوبگ ءِ تہ ءَ جوانی ءَ دیمروئی ھم بکن آں۔

پاکستان ءِ معاشی کرد ءَ را میاں اوستمانی پڑ ءَ منگ بوھگ ءَ اِنت۔ آ سئے شمبےء َ اِدا تجارت ءِ دیمروئی ءِ ھاترا گامگیج آنی سر ءَ چار ءُُ تپاسی کنا ءَ مراگش ءَ گوں تران کنگ ءَ اَت۔ بُنجاھی وزیر ءِ ھزانگ سینیٹر اسحاق ڈار، بُنجاھی وزیر تھجارت خرم دستگیر، بُنجاھی وزیر ایوانہائے صنعت ءُُ تجارت پاکستان (ایف پی سی سی آئی) ءِ صدر زبیر طفیل، آل پاکستن ٹیکسٹائل ملز ایسوسی ایشن ءِ چیئرمین عامکر فیاض شیخ، ایندگہ وزیر آں ھوار پارلیمنٹ ءِ باسک ءُُ نامداریں سوداگر ءُُ کلانئیں مردم ھم مراگش ءَ ساڑی اَتنت۔

مزن وزیر ءَ گوشت کہ 180ارب کلدار ءِ پیکیج ءَ چہ کاروبار ءُُ برآمد کنگ ءِ تہ ءَ گیشی کئیت۔ ایشی ءَ چہ پیسر کشت ءُُ کشاری ءَ را دیمروئی دیگ ءِ پیکیج ءِ جار جنگ بوت۔ واھشت دارگ بوت کہ کشت ءُُ کشاری ءُُ صنعت دوئیں شوبگ تُرندی ءَ گوں دیمروئی بکن اَنت ایشی ءَ چہ بیروزگاری ءُُ جُک جنئی ھلاس بیت ءُُ ملک دیمروئی کنت۔