فوجی عدالت آتا مداٹی ودیکی نا بابت صلابت برجاءِ، سینیٹر نہال ہاشمی

اسلام آباد(پاکستان نیوز پوائنٹ 10جنوری2016ء) مسلم لیگ (ن) نا راہشون سینیٹر نہال ہاشمی پارینے کہ فوجی عدالت آتا مد اٹی ودیکی نا بابت صلابت برجاءِ، حکومت نا مخالفت کننگ اپوزیشن نا کاریم ءِ۔ سے شنبے آ پارلیمنٹ ہاؤس نا پیشن میڈیا تون ہیت وگپ کرسا اوپارے کہ فوجی عدالت آتا بابت غٹ سیاسی جماعت آتون صلابت کننگک۔ اوپارے کہ حکومت نا مخالفت کننگ اپوزیشن نا کاریم ءِ ولے مثبت تنقید نا خیرمقدم ءِ کننگک۔ اسہ سوج اسے نا ورندی ٹی اوپارے کہ 2013ء آن مست انا پاکستان دہشت گردی و توانائی نا تنکی اٹی تماسس۔ اینو نا پاکستان ترندی اٹ شونداری نا مزل ءِ طے کننگ ءِ۔