اسلام آباد(پاکستان نیوز پوائنٹ 09جنوری2016ء) صدر مملکت ممنون حسین ءَ گوشت کہ چین پاکستان اقتصادی راہداری ءَ چہ گیشاں گیش نپ ءُُ سیت چست کنگ ءِ ھاترا ورنا آناں وتارا پیسر ءَ چہ تیار کنگی اِنت۔ آئی ءَ اے گپ دو شمبے ءِ روچ ءَ ایوان ءِ صدر ءَ سندھ مدرستہ الاسلام یونیورسٹی کراچی ءِ نودربرانی ٹولہ ءَ گوں تران کنان ءَ گوشت اَنت ایشی ءِ تہ ءَ وزیر ءِ مملکت برائے وانگ ءُُ زانگ ءُُ پروفشنل ٹریننگ انجینئر بلیغ الرحمن ءُُ وائس چانسلر ڈاکٹر محمد علی شیخ ءَ ابید ٹوھیں کارندہ ھوار اَتنت۔
صدر ءِ مملکت ءَ گوشت کہ سندھ مدرستہ الاسلام یونیورسٹی ءَ را قائداعظم ءِ سبب ءَ ایندگہ ادارگ آنی سبب ءَ گیش شرپ مند تر اِنت۔ آئی ءَ گوشت کہ یونیورسٹی وانگ ءُُ زانگ ءِ دیمروئی دیگ ءِ ھاترا وتی کرد ءَ پیلو کنگ ءَ اِنت۔ انوگیں لوٹ ھمیش اِنت کہ نودربر استیں دور ءِ ٹیکنالوجی ءِ زانش ءَ در بہ بر آںءُُ چاگرد ءِ تہ ءَ وتی کرد ءَ پیلو بکن آں۔ صدر مملکت ءَ ادارگ ءِ نیمگ ءَ بندات کتگیں نیشنل لیڈر شپ پروگرام ءِ سر ءَ دلیکیمی ءِ درشان کُتءُُ گوشت کہ آیوکیں وھد ءَ اے پروگرام ءِ وسیلگ ءَ ورنا آناں گیشاں چہ گیش نپ رس ایتءُُ وتی توکی کرد ءَ را جوانتری ءَ درشان کنگ ءِ موہ رسیت۔
