خانانی اینڈ کالیا و ایگزیکٹ کیس انا مستی جاست پاست کن جاست و پاستی کمیٹی کراچی آ سرمس

اسلام آباد(پاکستان نیوز پوائنٹ 09جنوری2016ء) وزیر داخلہ نا پارت آ خانانی اینڈ کالیا و ایگزیکٹ کیس انا مستی جاست وپاست کن ایف آئی اے نا کنڈآن جوڑ کروک جاست وپاستی کمیٹی کراچی آ سرمس۔ کمیٹی مسکوہی تفتیشی افسر تون اوڑدہی آن بیدس داوخت اسکان دا کیس آتیٹی ساڑی غٹ ریکارڈ و شاہدی تے تینا تحویل اٹی ہلنگا۔ دستیاب شاہدی و مسکوہی تفتیشی افسر نا بریفنگ نا روشنی ٹی تفتیش ءِ مون آ دننگک۔ چارباسکی کمیٹی وزیر داخلہ نا پارت آ دا اہم کیس آتا تفتیش ءِ ایسری انجام اسکان سرکننگ نا غرض اٹ جوڑ کننگانے۔ کمیٹی ایف آئی اے نا ڈپٹی ڈائریکٹر جمیل احمد، اسسٹنٹ ڈائریکٹر ضیاء الاسلام ، اسسٹنٹ ڈائریکٹر محمد سرور و اسسٹنٹ ڈائریکٹر محمد عثمان آ تالان ءِ۔