اسلام آباد(پاکستان نیوز پوائنٹ 09جنوری2016ء) بنجائی وزیر داخلہ چوہدری نثارعلی خان سلمان حیدر نا بحفاظت بازیابی کن غٹ وسیلہ غاتے کاریم اٹ اتنگ نا پارت تس۔ ترجمان وزارت داخلہ نا کنڈآن جاری بیان نا رداٹ وزیر داخلہ نا پارت آ سینئر پولیس افسر سلمان حیدر نا ہنکین آ ہنا۔ سینئر پولیس آفیسر سلمان حیدر نا خاہوت ءِ پاریر کہ وزیر داخلہ نا پارت آتا روشنی ٹی سلمان حیدر نا بازیابی کن غٹ وسیلہ غاتے کاریم اٹ اتنگ انگ ءِ۔
سلمان حیدر نا بحفاظت بازیابی کن ہروڑنا کوشست کننگ انگ ءِ، داچرجوئی ٹی انٹیلی جنس ادارہ غاتیان ہم کمک ہلنگ انگ ءِ۔ خاہوت ءِ مروک آ ذہنی اذیت و کرب آن اودے جوانی اٹ احساس ءِ ، کوشست ءِ کہ سلمان حیدر نا زوت آن زوت ڈس و نشان ءِ خلنگے۔ وزیر داخلہ نا کنڈآن سلمان حیدر نا خیروعافیت کن نیک است خواہی نا درشان کننگا۔
