اسلام آباد۔(پاکستان پوائنٹ نیوز۔26 جولائی۔2016) بنجاہی وزیر منصوبہ بندی ءُُ دیمروی احسن اقبال ءَ گشتگ انت کہ کاٹن ءِ کشت ءُُ کشار پاکستان ءِ کشتءُُ کشار ءِ مسُک ءِ ہڈی ءِ جہت داریت ءُُ کاٹن ءِ فصل ءَ شر کنگ ءِ ھاترءَ پٹ ءُُ پول ءِ سرا ھاسیں دیوان دئیگ بیت۔ آئی ءَ اے گپ کاٹن ءِ فصل ءَ شر کنگ ءِ ھاترءَ برزیں پڑی دیوان ءِ سروکی کنگ ءَ کرتگ۔
دیوان سے شمبے ءَ پلاننگ کمیشن ءَ بوتگ۔ دیوان ءَ بنجاہی ءُُ صوبائی عہدیدار آنی ھواری ءَ اسٹیک ہولڈر آں بہر زرت انت۔ دیوان ءَ باندات ءَ کاٹن ءِ فصل ءَ شر کنگ ءِ ھاترءَ لہتیں تجویز آنی سرا پکر کرت انت۔ بنجاہی وزیر احسن اقبال ءَ گشتگ کہ کاٹن ءِ کشت پاکستان ءِ کشت ءُُ کشار ءَ مسُک ءِ ہڈی ءِ جہت داریت۔ کاٹن ءِ فضل ءَ شر کنگ ءِ ھاتر ءَ ریسرچ ءِ سرا ھاسیں دیوان دئیگ بیت۔ آئی ءَ گشتگ کہ کاٹن ءِ شر تری وائتی ءَ ابید اے شعبہ ءَ دیمروی بوت نہ کنت۔ آئی ءَ گشتگ کہ کاٹن ءِ پیداوار ءِ ہدف ءَ پارینگ بیت، آئی ءَ گشتگ کہ شارٹ ٹرم ءُُ لانگ ٹرم پروگرام جوڑ کنگ ءِ ضلورت انت۔ کاٹن ءِ بحران دور کنگ ءِ ھاتر ءَ المی انت کہ پورا ایکو سسٹم ءَ شر کرت بہ کن انت۔
