راولپنڈی(پاکستان پوائنٹ نیوز۔26 جولائی۔2016) چیف آف آرمی سٹاف جنرل راحیل شریف ءَ قاہرہ ءَ مصر ءِ صدر عبدالفتاح السیسی ءِ گوں گند ءُُ نند کرتگ۔ گند ءُُ نند ءَ آئی ءَ دمگی سلامتی ءِ جاورال ءُُ زیات بوؤکیں چیلنج آنی سرا ھیال ءُُ لیکھہ کرت انت۔ آئی ایس پی آر ءِ ڈی جی لیفٹیننٹ جنرل عاصم سلیم باجوہ ءَ ٹویٹ ءِ ردا گند ءُُ نند ءِ وھد ءَ مصر ءِ صدر عبدالفتاح السیسی ءَ دمگی سلامتی ءُُ نا شرکاری ءِ ھلاپ پاک فوج ءِ کوشست آں سہڑائینتگ آرمی چیف ءَ مسلم امہ ءِ سرا زور داتگ کہ آ نا شرکاری ءِ ھلاسی ءِ ھاتر ءَ تپاک بوھگ ءَ وتی کرد پیش بہ دار انت۔
دیما آرمی چیف جنرل راحیل شریف ءَ جامعہ الازہر یونیورسٹی ءِ سروک شیخ الازہر ءِ گوں گند ءُُ نند کرتگ۔ آئی ءَ نا شرکاری ءِ ھلاپ پاکستان ءِ کوشست آں سہڑائینتگ۔ آرمی چیف جنرل راحیل شریف ءَ مسلم ورنا آں زور داتگ کہ آھاں روژن ھیالی، تکنیکی دیمروی، جدت ءُُ ہم آہنگی ءِ ھوالہ ءَ وتی توانائی کار مرز کنگ ءِ ضلورت انت۔ آرمی چیف ءَ مصر ءِ سپیشل فورسز ءِ ھیل کاری جاہ ءِ ہم تر ءُُ تاب کرتگ ءُُ ھیل کاری جاہ ءَ داتگیں ھیل کاریءِ سرا تسلا ءِ درشانی کرتگ۔
