اسلام آباد (پاکستان پوائنٹ نیوز۔26 جولائی۔2016) چیئر مین سینیٹ میاں رضا ربانی ءَ ایشیائی ملک آں زور داتگ انتکہ آ خطہ ءَ امن ءُُ محکمی ءِ ھاتر ءَ وتی اختلاف ءُُ جیڑھ ھل بہ کن انت۔ آ سے شمبے ءَ بندات بوؤکیں ایشیائی پارلیمانی اسمبلی ءِ اقتصادی ءُُ پائیدار دیمروی ءِ کمیٹی ءَ افتتاحی دیوان ءَ تران کنگ ءَ ات۔ چیئر مین سینیٹ ءَ گشتگ کہ ایشیاء ءَ کثیر الجہتی چیلنج آنی دیمپانی انت آ وھد آتگ انت کہ خطہ ءَ درستیں ملک وتی تہا تپاک پیداک بہ کن انت ءُُ وتی اُلس ءَ گریبی ءُُ جہالت ءَ در کنگ ءَ یکجا کار بہ کن انت۔
آئی ءَ گشتگ کہ دیما آؤکیں ایشیا ءِ مزنیں ہدف پجارینگ ءِ ھاتر ءَ گام گیج تیز کنگ لوٹیت۔ رضا ربانی ءَ گشتگ کہ جموں ءُُ کشمیر ءُُ فلسطین ءِ دیریں جیڑھ ھل کنگ ءِ ضلورت انت۔ دیوانءِ بندات ءَ درستیں دگنیا ءَ نا شرکاری ءِ کارروائی ءَ بیران بوؤک آنی یات ءَ یک منٹ ھاموش بوت انت۔
