اسلام آباد (پاکستان پوائنٹ نیوز۔26 جولائی۔2016) صدر مملکت ممنون حسینءَ گشتگ انتکہ ملک ءَ شریں ڈاکٹر پیداک کنگ ءِ ھاترءَ مارا میڈیکل ءِ وانگ ءُُ زانگ ءِ معیار ءَ دِگہ شر تر کنگءِ ضلورت انت تنکہ لس مردم ءِ شریں علاج ممکن بہ بیت۔ اے گپ آئی ءَ سے شمبے ءَ نیشنل یونیورسٹی آف میڈیکل سائنس ءِ وائس چانسلر لیفٹیننٹ جنرل سید محمد عمران مجید ءِ گوں ایوان صدر ءَ گند ءُُ نند ءِ وھد ءَ کرتگ۔
صدر مملکت ءَ لیفٹیننٹ جنرل سید محمد عمران مجید ءَ نیشنل یونیورسٹی آف میڈیکل سائنسز ءِ وائس چانسلر جوڑ بوھگءِ سرا مبارکباتی داتگ۔ آئی ءَ اے امیت ءِ درشانی کرتگ کہ نیشنل یونیورسٹی آف میڈیکل سائنسز میڈیکل ءِ شعبہ ءَ دِگہ گام گیج بہ زوریت۔ صدر مملکت ءَ گشتگ کہ میڈیسن ءِ شعبہ ھذمت حلق ءِ شعبہ انت ءُُ ایشی گوں ہمگرنچ مردم آں وتی ذمہ واری ھذمت ھلق سمجھگ ءَ کنگ بیت۔
صدر مملکت ءَ اے موہ ءَ لہتیں پرائیویٹ اسپتال ءُُ میڈیکل کالج آنی گپ کنگ ءَ گشتگ کہ ملک ءَ الاج معالجہ ءِ آسراتی ءِ ھاتر ءَ دِگہ نرسنگ ہسپتال ءِ ضلورت بیت انت تنکہ ملک ءَ ھیل کاری کنوک عملہ ءِ کمی پورا بہ بیت۔ نیشنل یونیورسٹی آف میڈیکل سائنسز ءِ وائس چانسلر لیفٹیننٹ جنرل سید محمد عمران مجید ءَ صدر مملکت ءَ یونیورسٹی ءِ باروا بریفنگ دئیگ ءَ گشتگ کہ آ لوٹ انت کہ وتی درستیں زانتکاری ءَ کار مرز کنگ ءَ پیشہ وارانہ ءُُ شریں وڑ ءَ طبی آسراتی بہ دئینت۔
