اسلام آباد(پاکستان نیوز پوائنٹ 09جنوری2016ء) محکمہ موسمیات مشی آ علاقہ غاتیٹی برف باری آن پد ملک انا گیشتر علاقہ غاتیٹی یخ انا لہر پین 3آن 4دے اسکان برجاسلنگ نا پیش گوئی کرینے وخت اس کہ بروک آ 3دے اٹی کراچی تون اوار ملک انا کرکی علاقہ غاتیٹی نن نا درجہ حرارت اٹی پین کمتی و بروک آ 3آن 4دے اٹی پنجاب وخیبرپختونخوا نا میدانی علاقہ غاتیٹی کورا تمنگ نا گمان ظاہر کرینے ۔
دوشنبے آ ریکارڈ کروک آ کم آن کم تر درجہ حرارت نا رپورٹ نا رداٹ کالام اٹی درجہ حرارت منفی 14ڈگری سینٹی ، سکردوٹی منفی 11، کوئٹہ، قلات منفی 10، راولاکوٹ منفی 8، گوپس، استور منفی 7، مری، دیردالبندین منفی 6، مالم جبہ، پارہ چنارمنفی 5، چترال، بگروٹ، دروش، کاکول منفی 4ژوب و گلگت اٹی منفی 3ڈگری سینٹی گریڈ ریکارڈ کننگا۔ رپورٹ نا رداٹ تدوک آ 24گھنٹہ ٹی ملک انا گیشتر علاقہ غاتیٹی موسم یخ و خشک سلیس، ولے سیالکوٹ و کشمیر اٹی گڑاس ہند آتیا ہورہ و گروک تون پین پر و مش تیا برف باری مس وخت اس کہ پنجاب و سندھ انا میدانی علاقہ غاک گوتلونا پلویڑاٹی ئسر ۔
غٹ آن زیات پر سیالکوٹ اٹی اسہ ملی میٹر، راولاکوٹ 2و کوٹلی ٹی منفی اسہ ملی میٹر ریکارڈ کننگا وخت اس کہ مری ٹی 3و راولاکوٹ اٹی اسہ انچ برف باری ریکارڈ کننگا۔
