عمران خان 2018ء نا گچین کاری تیٹی مریم بی بی خوف زدہ ءِ، مائزہ حمید

اسلام آباد(پاکستان نیوز پوائنٹ 09جنوری2016ء) پاکستان مسلم لیگ (ن) نا راہشون مائزہ حمید پارینے کہ عمران خان نا کنڈآن گچین مروک وزیراعظم و گچین مروک حکومت ءِ اسہ پلو کننگ نا ڈٹ آتا جاست وپاست نا گرج ءِ۔ دوشنبے آ سپریم کورٹ نا پیشن میڈیا تون ہیت وگپ کرسا اوپارے کہ عدالت عظمیٰ ٹی عمران خان نا دلیل آتے خف توننگ آن پد معلوم مریک کہ او مہالو دوبہ خان ئس، داسہ اودے بایدے بہتان خان پاننگے۔ اوپارے کہ عمران خان عدالت نا تہٹی و پیشن مریم نواز آ دوبہ داخاطران خلککہ انتئے کہ او 2018ء نا گچین کاری تیٹی مریم بی بی خوف زدہ ءِ۔ مائزہ حمید پارے کہ عمران خان نا کنڈآن گچین مروک وزیراعظم و گچین مروک حکومت ءِ اسہ پلو کننگ نا ڈٹ آتا جاست وپاست نا گرج ءِ۔