پی ٹی آئی نا وکیل نا دلیل آتیٹی وزن الوکہ، پاناماپیپر کیس جمہوریت و ادارہ غاتا سوگوی نا کنڈاہِننگ ءِ ، دانیال عزیز

پی ٹی آئی نا وکیل نا دلیل آتیٹی وزن الوکہ، پاناماپیپر کیس جمہوریت و ادارہ غاتا سوگوی نا کنڈاہِننگ ءِ ، دانیال عزیز

اسلام آباد(پاکستان نیوز پوائنٹ 09جنوری2016ء) پاکستان مسلم لیگ (ن) نا راہشون دانیا ل عزیز پارینے کہ پاناما پیپر کیس جمہوریت و ادارہ غاتا سوگوی نا کنڈا ہِننگ ءِ ۔ دوشنبے آ پاناما پیپر کیس انا سماعت آن پد سپریم کورٹ نا پیشن میڈیا تون ہیت وگپ کرسا اوپارے کہ عمران خان نا دوبہ غاک دروغ ثابت مسنو۔ اوپارے کہ اینو عدالت نا مون آ داخننگاکہ عمران خان ہراکنڈاکائک اودے بے سہبی تون مون تروئی تمک، پی ٹی آئی نا وکیل نعیم بخاری نا دلیل آتیٹی وزن الوکہ و اوڑآن ہراسوج ءِ ہریفنگے اودے اونا ورندی معلوم مفک، اوپارے کہ تحریک انصاف ہراہرا سوج آتے ہرفسا کننگ ءِ اونا شاہدی تے عدالت نا مون آ پیش کروئی مریک۔

اوپارے کہ پاناما پیپر کیس پاکستان کن خوشخبری ، جمہوریت و ادارہ غاتا سوگوی نا کنڈآ ودنگ ءِ و ننے اومیت ءِ کہ نن سرسہبی اٹ ہمکنار مرینہ۔