چھتر اٹی موٹرسائیکل اس بارودی سرنگ اسے تون ڈوک لگا، اسہ بندغ اس تپاخت کرے، ارٹ میکو ٹھپی، پولیس

ڈیرہ مراد جمالی(پاکستان نیوز پوائنٹ 06جنوری2016ء) نصیر آباد نا تحصیل چھتر نا علاقہ ٹی موٹرسائیکل اس بارودی سرنگ اسے تون ڈوک لگا، اسہ بندغ اس تپاخت کرے، ارٹ میکو ٹھپی مس۔ پولیس نا رداٹ جمعہ آ نصیر آباد نا تحصیل چھتر نا علاقہ سونواہ ٹی بجلی نا ویر اسے نا جوڑ جاڑ کننگ نا غرض اٹ ہنوک آ موٹرسائیکل بارودی سرنگ تون ڈوک لگا دھماکہ آن موٹرسائیکل سوار عبدالرحمان تپاخت و عبدالجبار ٹھپی مس احوال ملنگ آ پولیس و کانود نافذ کروک آ ادارہ غاک جاگہ غا سرمرسا ٹھپی و تپاخت کروک آنا لاش ءِ ڈیرہ مراد جمالی نا سول ہسپتال آ گدریفیر ہراڑے المی کارروائی آن پد لاش ءِ اوفتا وارث آتا حوالہ کریر وخت اس کہ ٹھپی ءِ طبی امداد آن گڈ پین درمان کن لاڑکانہ ہسپتال آ گدریفنگا۔

پولیس علاقہ نا ناکہ بندی ءِ کرسا تخریب کار آتا پٹنگ نا بناءِ کرینے۔